Uncategorized
പത്മ പുരസ്കാരം; കേരളം നിര്ദ്ദേശിച്ച ഭൂരിപക്ഷം പേരുകളും തള്ളി; മമ്മൂട്ടിയുടെയും കെ എസ് ചിത്രയുടെയുമടക്കം പേരുകള് ഒഴിവാക്കി കേന്ദ്രം
കേരളം നിര്ദ്ദേശിച്ച ഭൂരിപക്ഷം പേരുകളും തള്ളിയാണ് ഇത്തവണയും പത്മ പുരസ്ക്കാരങ്ങള് കേന്ദ്ര സര്ക്കാര് പ്രഖ്യാപിച്ചത്. കെ.എസ് ചിത്രയ്ക്ക് പത്മവിഭൂഷണും മമ്മൂട്ടിയ്ക്ക് പത്മഭൂഷണും പ്രൊഫ.എം.കെ സാനുവിന് പത്മശ്രീയും നല്കണമെന്നായിരുന്നു കേരളത്തിന്റെ ശിപാര്ശ.
റിപ്പബ്ലിക് ദിനത്തില് പ്രഖ്യാപിച്ച പത്മ പുരസ്ക്കാരങ്ങളില് കേരളം നിര്ദ്ദേശിച്ച പേരുകളില് ഭൂരിപക്ഷവും കേന്ദ്ര സര്ക്കാര് പരിഗണിച്ചില്ലെന്ന് തെളിയിക്കുന്നതാണ് പുറത്ത് വരുന്ന രേഖകള്. സംസ്ഥാന സര്ക്കാര് ശിപാര്ശ പ്രകാരം എഴുത്തുകാരന് എം.ടി വാസുദേവന് നായര്ക്ക് പത്മവിഭൂഷണും ഒളിമ്പ്യന് പി.ആര് ശ്രീജേഷ് പത്മഭൂഷണും മാത്രമാണ് നല്കിയത്.
