Uncategorized
ജെയിൻ യൂണിവേഴ്സിറ്റി ഡയറക്ടർ ടോം ജോസഫിനെതിരെ കഴിഞ്ഞ 15 കൊല്ലത്തിനിടെ പത്തോളം ക്രിമിനൽ കേസുകൾ
കൊച്ചി: ജെയിൻ യൂണിവേഴ്സിറ്റി ഡയറക്ടർ ടോം ജോസഫിൻ്റെ പേരിൽ ഉണ്ടായിരുന്നത് പത്തോളം ക്രിമിനൽ കേസുകൾ. ഇവയിൽ പലതും പണം കൊടുത്തും മറ്റും ഒത്തുതീർപ്പ് ആക്കിയെങ്കിലും ഗുരുതര സ്വഭാവമുള്ള കേസുകൾ ഇനിയും അവശേഷിക്കുകയാണ്. കേസുകളുടെ പട്ടിക പുറത്തുവിട്ട് റിപ്പോർട്ടർ ടിവി. അമേരിക്കയിലേക്ക് മനുഷ്യക്കടത്തിന് ശ്രമിച്ചതിന് തൃക്കാക്കര പോലീസ് അന്വേഷിച്ച് കുറ്റപത്രം നൽകിയ കേസാണ് ഇതിൽ പ്രധാനം. കേരളത്തിന് പുറത്തും ടോം ജോസഫിനെതിരെ കേസുകൾ ഉണ്ടായിരുന്നു. സ്വകാര്യ കമ്പനിയുടെ ഓഫീസിൽ അതിക്രമിച്ചു കയറി ജീവനക്കാരെ മർദ്ദിച്ചതിന് തെലങ്കാന പോലീസെടുത്ത കേസിലും പ്രതിയായിരുന്നു ടോം ജോസഫ്.
