Uncategorized
പള്ളി തിരുനാൾ ആഘോഷത്തിനിടെ പൊലീസ് ജീപ്പിന് മുകളിൽ കയറി യുവാവിൻ്റെ പരാക്രമം; 4 പൊലീസുകാർക്ക് പരിക്ക്
തൃശൂർ: തൃശൂർ ആമ്പക്കാട് പൊലീസ് ജീപ്പിന് മുകളിൽ കയറി പരാക്രമം കാട്ടിയ യുവാവും സംഘവും അറസ്റ്റിൽ. പുഴയ്ക്കൽ സ്വദേശി അബിത് ആണ് ജീപ്പിന് മുകളിൽ കയറിയത്. ആമ്പക്കാട് പള്ളി തിരുനാൾ ആഘോഷത്തിനിടെയാണ് സംഭവം. ജീപ്പിനു മുകളിൽ കയറിയ യുവാവ് പൊലീസിനേയും ആക്രമിക്കുകയായിരുന്നു. ആക്രമണത്തിൽ എസ്ഐ ഉൾപ്പെടെ നാലു പേർക്ക് പരിക്കേറ്റു. സംഭവത്തിൽ നാലു യുവാക്കൾ അറസ്‌റ്റിലായി. ഇവരെ റിമാൻഡ് ചെയ്‌തു. അതേസമയം, യുവാക്കൾ കഞ്ചാവ് ലഹരിയിലാണെന്ന് പൊലീസ് പറഞ്ഞു.
