സുൽത്താൻ ബത്തേരി ഉപജില്ല സ്‌കൂൾ ഗെയിംസ്: ഹാൻഡ്‌ബോളിൽ നിർമ്മല എച്ച്എസ് കബിനിഗിരി രണ്ടാമത്.

​സുൽത്താൻ ബത്തേരി: സുൽത്താൻ ബത്തേരി ഉപജില്ല സ്‌കൂൾ ഗെയിംസ് ഹാൻഡ്‌ബോൾ മത്സരത്തിൽ നിർമ്മല എച്ച്എസ് കബിനിഗിരി മികച്ച മുന്നേറ്റം കാഴ്ചവെച്ചു. ജൂനിയർ വിഭാഗം പെൺകുട്ടികളുടെ വിഭാഗത്തിലാണ് സ്കൂൾ ടീം രണ്ടാം സ്ഥാനം നേടി ശ്രദ്ധേയമായ നേട്ടം കൈവരിച്ചത്.
​കായിക അധ്യാപകൻ ജോമറ്റ് മാത്യു, മനീഷ്, ഷിജോ ഫ്രാൻസീസ് എന്നിവരുടെ മികച്ച പരിശീലനവും നേതൃത്വവുമാണ് ടീമിനെ ഈ മിന്നുന്ന വിജയത്തിലേക്ക് നയിച്ചത്. വിജയികളായ വിദ്യാർത്ഥികളെയും പരിശീലകരെയും സ്‌കൂൾ മാനേജ്‌മെന്റും അധ്യാപകരും രക്ഷിതാക്കളും അഭിനന്ദിച്ചു.