മട്ടന്നൂർ : പഠന പ്രവർത്തനങ്ങളുടെ ഭാഗമായി വെളിയമ്പ്ര ബാഫക്കി മെമ്മോറിയൽ എൽ പി സ്കൂളിൽ സംഘടിപ്പിച്ച പലഹാര മേള ശ്രദ്ധേയമായി.നൂറ്റിയൊന്ന് തരം പലഹാരങ്ങളുമായിട്ടാണ് മേള ശ്രദ്ധേയമായത്. അറിഞ്ഞു കഴിക്കാം , നന്നായി വളരാം എന്നീ പാഠഭാഗങ്ങളുമായി ബന്ധപെട്ടാണ് മേള സംഘടിപ്പിച്ചത്. ഇരിട്ടി ബ്ലോക്ക് പഞ്ചായത്ത് പ്രസിഡണ്ട് കെ വേലായുധൻ ഉദ്ഘാടനം നിർവ്വഹിച്ചു. വാർഡ് കൗൺസിലർ പി ബഷീർ അധ്യക്ഷനായി. ഇരിട്ടി ബ്ലോക്ക് പഞ്ചായത്ത് വൈസ് പ്രസിഡണ്ട് നജീദ സാദിക്ക് ബോധവൽക്കരണ ക്ലാസ് നടത്തി. ഇരിട്ടി എൻ എം ഒ കെ ശ്രീകാന്ത്, വി എം ഇബ്രാഹിം, എം അബ്ദുറഹ്മാൻ മാസ്റ്റർ, കെ സി മുഹമ്മദ്, കെ വി അബ്ദുള്ള, സി എം രതീഷ് സംസാരിച്ചു. സി സി രമാദേവി സ്വാഗതവും കെ കെ ഉസ്മാൻ നന്ദിയും പറഞ്ഞു
next post