കണ്ണൂര്‍: തലശേരിയില്‍ കാറില്‍ ചാരി നിന്നതിന് യുവാവ് ചവിട്ടിതെറിപ്പിച്ച ആറു വയസുകാരനെ മറ്റൊരാളും ഉപദ്രവിച്ചതിന്‍റെ ദൃശ്യങ്ങള്‍ പുറത്ത്. വഴിപോക്കന്‍ കുട്ടിയുടെ തലയ്ക്കടിക്കുന്ന ദൃശ്യങ്ങളാണ് പുറത്തുവന്നത്.
നിര്‍ത്തിയിട്ടിരുന്ന കാറിലേയ്ക്ക് നോക്കിനില്‍ക്കുന്ന കുട്ടിയെ തലയ്ക്കടിച്ച ശേഷം ഷര്‍ട്ടിന്‍റെ കോളറില്‍പിടിച്ച് വലിച്ചു മാറ്റുന്ന ഹൃദയഭേദകമായ ദൃശ്യമാണ് പുറത്തുവന്നത്.
കാറില്‍ ചാരി നിന്നതിന് കുട്ടിയെ ചവിട്ടിയ കേസില്‍ അറസ്റ്റിലായ മുഹമ്മദ് ഷിഹ്ഷാദ് കുട്ടിയുടെ തലയ്ക്കടിക്കുന്ന ദൃശ്യങ്ങളും പുറത്തുവന്നു.