കണ്ണൂര്: ചുവപ്പന് അഭിവാദ്യങ്ങളിലൂടെ സഖാവ് കോടിയേരി ബാലകൃഷ്ണന് യാത്രാമൊഴി ചൊല്ലി ആയിരങ്ങള്. കണ്ണൂരിലെ സി.പി.എം. ജില്ലാ കമ്മിറ്റി ഓഫീസായ അഴീക്കോടന് മന്ദിരത്തിലെ പൊതുദര്ശനത്തിനു ശേഷം കോടിയേരിയുടെ ഭൗതികദേഹം പയ്യാമ്പലത്തേക്ക് കൊണ്ടുപോയി.
ആയിരക്കണക്കിനാളുകളാണ് പ്രിയനേതാവിന് അന്ത്യാഭിവാദ്യം നല്കാന് അഴീക്കോടന്മന്ദിരത്തില് എത്തിച്ചേര്ന്നത്. മൂന്നുമണിക്ക് പയ്യാമ്പലത്ത് പൂര്ണ ഔദ്യോഗികബഹുമതികളോടെയാണ് കോടിയേരിയുടെ സംസ്കാരച്ചടങ്ങുകള് നടക്കുക. . മുതിര്ന്ന സി.പി.എം. നേതാക്കളായ ഇ.കെ. നായനാര്, ചടയന് ഗോവിന്ദന് എന്നിവരുടെ സ്മൃതികുടീരത്തോടു ചേര്ന്നാണ് ചിതയൊരുക്കുക.