ഇരിട്ടി: വന്യജീവി സങ്കേതങ്ങളുടെ ചുറ്റിലും ജനവാസകേന്ദ്രങ്ങൾ ഉൾപ്പെടെ ഒരു കിലോമീറ്റർ ദൂരം വരെ ബഫർ സോൺ ആകാമെന്ന 2019ലെ മന്ത്രിസഭാ തീരുമാനം തിരുത്താനുള്ള സംസ്ഥാന മന്ത്രിസഭാ തീരുമാനം സ്വാഗതാർഹമാണെന്ന് സണ്ണി ജോസഫ് എംഎല്എ. ഈ തീരുമാനത്തെ തുടർന്ന് 2019 ഒക്ടോബർ 31ന് 29-ാം നമ്പറായി പുറപ്പെടുവിച്ച ഉത്തരവും തിരുത്തുമെന്ന് പ്രതീക്ഷിക്കുന്നതായി അദ്ദേഹം പറഞ്ഞു. കഴിഞ്ഞ നിയമസഭാ സമ്മേളനത്തിൽ താൻ ഉന്നയിച്ച വിഷയമാണിത്. പിന്നീട് അടിയന്തര പ്രമേയത്തിലൂടെ നിയമസഭയിൽ അടുത്ത ദിവസം ഉന്നയിച്ചു. വനംവകുപ്പിന്റെ ചർച്ചയിലും പങ്കെടുത്തു സംസാരിച്ചു. നിരവധി തവണ നിയമസഭയിൽ ഉയർത്തിയ വിഷയമാണ്. ഈ വിഷയത്തിൽ സർക്കാർ അനുകൂലമായ തീരുമാനമെടുത്ത് ജനവികാരം കണക്കിലെടുത്തും നിയമപരമായ വസ്തുത മനസിലാക്കിയുമാണെന്ന് എംഎൽഎ ചൂണ്ടിക്കാട്ടി.