കൊച്ചി: ഇരുമ്പനം ജംഗ്ഷനില് ബൈക്കുകള് കൂട്ടിയിടിച്ച് യുവാവിന് ദാരുണാന്ത്യം. ചോറ്റാനിക്കര സ്വദേശി രാഹുല് ആണ് മരിച്ചത്. ഒപ്പമുണ്ടായിരുന്ന സുഹൃത്തിന് ഗുരുതരമായി പരിക്കേറ്റു.വ്യാഴാഴ്ച രാത്രി എട്ടേ മുക്കാലോടെ ആയിരുന്ന സംഭവം. സീപോര്ട്ട് എയര്പോര്ട്ട് റോഡിലെ ക്ഷേത്രത്തിന് മുന്നില് വച്ചായിരുന്നു അപകടം.
കാക്കനാട് നിന്നു വന്ന ബൈക്കും മറ്റൊരു ബൈക്കും കൂട്ടിയിടിക്കുകയായിരുന്നു. ബൈക്കിന് പിന്നിലിരുന്ന രാഹുല് സംഭവ സ്ഥലത്ത് വച്ചു തന്നെ മരണപ്പെട്ടിരുന്നു. മൃതദേഹം തൃപ്പൂണിത്തുറ താലൂക്ക് ആശുപത്രിയിലേക്ക് മാറ്റി.
ഗുരുതരമായി പരിക്കേറ്റ സുഹൃത്ത് ആശുപത്രിയില് ചികിത്സയിലാണ്. അമിതവേഗമാണ് അപകടത്തിന് കാരണമായത് എന്നാണ് പ്രാഥമിക നിഗമനം.
