മന്ത്രി കെ എം ഷാജിയുടെ റേഞ്ച് റോവർ കാർ വിവാദത്തിൽ അദ്ദേഹത്തെ ന്യായീകരിച്ച് മന്ത്രി സണ്ണി ജോസഫ് രംഗത്ത്. സുഹൃത്തിന്റെ വാഹനം ഉപയോഗിച്ചത് സൗജന്യമായിട്ടല്ലെന്നും അതൊരു സൗകര്യം മാത്രമാണെന്നും അദ്ദേഹം വ്യക്തമാക്കി. സൗജന്യവും സൗകര്യവും രണ്ടും രണ്ടാണെന്നും, ഷാജിയെ രാഷ്ട്രീയമായി വിമർശിക്കാൻ മറ്റ് വിഷയങ്ങൾ ഇല്ലാത്തതുകൊണ്ടാണ് കാറിന്റെ പേരിൽ മാത്രം വിവാദമുണ്ടാക്കുന്നതെന്നും സണ്ണി ജോസഫ് പറഞ്ഞു.
സ്വകാര്യ വാഹനം ഉപയോഗിച്ചതിലൂടെ മന്ത്രി സർക്കാരിന്റെ പണം ലാഭിച്ചുവെന്നും അദ്ദേഹം പറഞ്ഞു. കൂടാതെ മന്ത്രിമാരുടെ വിദേശയാത്രകളെക്കുറിച്ചുള്ള വിമർശനങ്ങൾക്കും അദ്ദേഹം മറുപടി നൽകി. മന്ത്രിമാർ സർക്കാരിന്റെ ചെലവിലല്ല വിദേശയാത്ര പോയതെന്നും, ഭരണപരമായ ആവശ്യങ്ങൾക്കായി അത്തരം യാത്രകൾ ചെയ്യേണ്ടി വരുമെന്നും സണ്ണി ജോസഫ് കൂട്ടിച്ചേർത്തു.
