‘രാജ്യത്തെ വിദ്യാഭ്യാസ കച്ചവടവൽക്കരണത്തിനെതിരെ വിദ്യാർഥി സമൂഹം ഒറ്റക്കെട്ടായി നിൽക്കണം’: ഐഷി ഘോഷ്
രാജ്യത്തെ വിദ്യാഭ്യാസ കച്ചവടവൽക്കരണത്തിനെതിരെ വിദ്യാർഥി സമൂഹം ഒറ്റക്കെട്ടായി നിൽക്കണമെന്ന് എസ്എഫ്ഐ അഖിലേന്ത്യാ വൈസ് പ്രസിഡൻ്റ് ഐഷി ഘോഷ്. കാലിക്കറ്റ് സർവകലാശാല ഡിപ്പാർട്ട്മെൻ്റൽ സ്റ്റുഡൻ്റ്സ് യൂണിയൻ മാഗസിൻ പ്രകാശനം ഉദ്ഘാടനം ചെയ്ത് ഐഷി ഘോഷ് പറഞ്ഞു.
പണമുള്ളവർക്ക് മാത്രം വിദ്യാഭ്യാസമെന്ന രീതിയാണ് രാജ്യത്ത് നിലനിൽക്കുന്നത്. ഇതിനെതിരെ നമ്മൾ സംസാരിച്ചുകൊണ്ടിരിക്കണം. വിദ്യാർഥികൾ സ്വന്തം കാര്യംമാത്രം നോക്കുന്നതിന് പകരം സമൂഹത്തെകൂടി പരിഗണിക്കണം. ജന്തർമന്തറിലെ സമരം രാജ്യത്തെ യുവാക്കളുടെ ശക്തി തെളിയിച്ചു. സംസ്ഥാനത്തും നിരവധി പോരാട്ടങ്ങൾ നടക്കുന്നു. നമ്മുടെ പോരാട്ടങ്ങൾ തിരിച്ചറിയണമെന്നും ഐഷി ഘോഷ് പറഞ്ഞു.
ആടിയും പാടിയും എഴുതിയും നൃത്തംചെയ്തും ഓരോ വികാരങ്ങളും പ്രകടിപ്പിക്കണം. കാലിക്കറ്റ് സർവകലാശാല ഡിപ്പാർട്ട്മെൻ്റൽ സ്റ്റുഡൻ്റ്സ് യൂണിയൻ മാഗസിൻ പ്രകാശനം ഐഷി ഘോഷ് നിർവഹിച്ചു.
