ചുങ്കക്കുന്ന് ഗവൺമെന്റ് യു.പി. സ്കൂളിൽ 80-ാമത് സ്വാതന്ത്ര്യദിനാഘോഷം വിപുലമായ പരിപാടികളോടെ നടത്തി. ഹെഡ്മാസ്റ്റർ ഇൻചാർജ് ഷാവു കെ.വി. പതാക ഉയർത്തി. തുടർന്ന് കൊട്ടിയൂർ ഗ്രാമപഞ്ചായത്ത് പ്രസിഡന്റ് ശ്രീമതി സിസിലി കണ്ണന്താനം സ്വാതന്ത്ര്യദിന സന്ദേശം നൽകി.
ചടങ്ങിൽ പി.ടി.എ. വൈസ് പ്രസിഡന്റ് ജസ്റ്റിൻ ജെയിംസ്, മദർ പി.ടി.എ. പ്രസിഡന്റ് നിജി സജി, വിദ്യാർത്ഥികളായ ക്രിസ്റ്റീന റിനോയ്, സ്വാതിക ശരത് എന്നിവർ സംസാരിച്ചു.
തുടർന്ന് സ്വാതന്ത്ര്യദിനവുമായി ബന്ധപ്പെട്ട് വിദ്യാർത്ഥികൾക്കായി നടത്തിയ വിവിധ മത്സരങ്ങളിലെ വിജയികൾക്ക് സമ്മാനങ്ങൾ വിതരണം ചെയ്തു. ആഘോഷത്തിന്റെ ഭാഗമായി കുട്ടികൾക്ക് മധുരപലഹാരങ്ങളും വിതരണം ചെയ്തു. സ്കൂൾ സോഷ്യൽ സർവീസ് സ്കീമിലെ കുട്ടികളുടെ ഡാൻസ്, പ്രസംഗം എന്നിവ നടന്നു.
ദേശസ്നേഹവും സ്വാതന്ത്ര്യത്തിന്റെ മഹത്വവും കുട്ടികളിൽ വളർത്തിയെടുക്കുന്ന മനോഹരമായൊരു ആഘോഷമായി സ്വാതന്ത്ര്യദിന പരിപാടികൾ മാറി.
