Uncategorized
അര്ജുന് ആയങ്കിക്കായി പത്തനംതിട്ടയിലെ വീടുകളില് റെയ്ഡ് നടത്തിയതില് പരാതി നല്കി സി. പി. ഐ. എം ലോക്കല് സെക്രട്ടറി
പത്തനംതിട്ട: പത്തനംതിട്ട കാട്ടാമലയില് അര്ജുന് ആയങ്കിക്കായി വീടുകളില് പൊലീസ് പരിശോധന നടത്തിയതില് പരാതി. സിപിഐഎം ലോക്കല് സെക്രട്ടറിയാണ് മനുഷ്യാവകാശ കമ്മീഷനിലും എസ്സി-എസ്ടി കമ്മീഷനിലും പരാതി നല്കിയത്. സിപിഐഎം എല്സി സെക്രട്ടറി നിതിന്കുമാറാണ് പരാതി നല്കിയത്. തെറ്റായ വിവരത്തിന്റെ അടിസ്ഥാനത്തില് പരിശോധന നടത്തി എന്നാണ് പരാതി.
മാന്യത ഇല്ലാത്ത ഭാഷ പൊലീസ് പ്രയോഗിച്ചതായും പരാതില് പറയുന്നു. സ്ത്രീയുടെ കയ്യില് പൊലീസ് കടന്നുപിടിച്ചെന്ന ആരോപണവുമുണ്ട്. പൊലീസിന് ലഭിച്ച വിവരം എങ്ങനെ സ്ഥിരീകരിച്ചു എന്ന് കണ്ടെത്തണമെന്നും സംഭവത്തില് സ്വതന്ത്രവും സമഗ്രവുമായ അന്വേഷണം വേണമെന്നും പരാതിയില് ആവശ്യപ്പെടുന്നു. നിരപരാധികളുടെ വീട്ടിലാണ് പോലീസ് പരിശോധന നടത്തിയതെന്നും പൊലീസ് അതിക്രമത്തിനെതിരെ നടപടി വേണമെന്നുമാണ് നിതിന് കുമാര് പറയുന്നത്.
