Uncategorized
കുടുംബത്തോടൊപ്പം കശ്മീരിലേക്ക് പോകുംവഴി അപകടം; നിയന്ത്രണം വിട്ട കാര് ലോറിയുടെ പിന്നിലിടിച്ചു, പൊന്നാനി സ്വദേശിനിക്ക് ദാരുണാന്ത്യം
മലപ്പുറം: ഡല്ഹി-മുംബൈ എക്സ്പ്രസ് വേയിലുണ്ടായ ദാരുണമായ വാഹനാപകടത്തില് മലയാളി യാത്രക്കാരി മരണപ്പെട്ടു. പൊന്നാനി വെളിയങ്കോട് സ്വദേശിനി ബഷീറ (42) ആണ് മരിച്ചത്. കേരളത്തില് നിന്നും കുടുംബസമേതം കശ്മീരിലേക്ക് കാറില് യാത്ര പോകുന്നതിനിടെ ഹരിയാനയിലെ ഫിറോസ്പൂരില് വെച്ചായിരുന്നു അപകടം സംഭവിച്ചത്. ഇവര് സഞ്ചരിച്ചിരുന്ന കാര് മുന്നില് പോവുകയായിരുന്ന ലോറിയുടെ പുറകിലേക്ക് ഇടിച്ചുകയറുകയായിരുന്നു. ഭര്ത്താവ് അബ്ദുല് ജലീല് (49), മക്കളായ ലാസിം അബു ബക്കര്, മുഹമ്മദ് ശാരിഖ് എന്നിവര്ക്ക് പരിക്കേറ്റു. അബ്ദുല് ജലീലിന്റെ പരിക്ക് ഗുരുതരമാണ്. ഷാര്ജയില് നിന്ന് ദിവസങ്ങള്ക്കുമുമ്പ് എത്തിയ ഭര്ത്താവിനോടൊപ്പം ഉത്തരേന്ത്യന് സംസ്ഥാനങ്ങളിലേക്ക് വിനോദയാത്ര പോയതായിരുന്നു ബഷീറ.
