വായനാമാസാചരണത്തോടനുബന്ധിച്ച് അമ്പായത്തോട് ടാഗോർ വായനശാലയുടെ സഹകരണത്തോടെ അമ്പായത്തോട് യു. പി. സ്കൂളിൽ വായനോത്സവം എന്ന പേരിൽ കുട്ടികൾക്കായി വിവിധ പരിപാടികൾ നടത്തി. പി ടി എ പ്രസിസണ്ട് സജി കുഴികണ്ടത്തിൽ അധ്യക്ഷത വഹിച്ച ചടങ്ങ് വാർഡ് മെമ്പർ ഷെർളി പടിയാനിക്കൽ ഉദ്ഘാടനം ചെയ്തു. കുട്ടികളുടെ വായനാക്കുറിപ്പ് അവതരണ മത്സരത്തിൽ വിജയികളായവർക്ക് ലൈബ്രറി പ്രസിഡണ്ട് ബേബി കുരുടികുളം സമ്മാനദാനം നിർവ്വഹിച്ചു.
ലൈബ്രറി സെക്രട്ടറി കുര്യാച്ചൻ ഓലപ്പുരയ്ക്കൽ കുട്ടികൾക്ക് വിവിധ പുസ്തകങ്ങൾ പരിചയപ്പെടുത്തി സംസാരിച്ചു. എസ് ആർ ജി കൺവീനർ ബിന്ദു സ്കൂൾ ഡയറി പ്രകാശനം നിർവ്വഹിച്ചു. സ്കൂൾ ഹെഡ്മാസ്റ്റർ ജോൺ ടി. വി സ്വാഗതവും സ്റ്റാഫ് സെക്രട്ടറി നിഷ ജോസഫ് നന്ദിയും പറഞ്ഞു.