Uncategorized
ആടിനെ രക്ഷിക്കാന് കിണറ്റില് ഇറങ്ങി; കൊണ്ടോട്ടിയില് രണ്ട് അതിഥി തൊഴിലാളികള്ക്ക് ദാരുണാന്ത്യം
മലപ്പുറം: കൊണ്ടോട്ടിയില് ആടിനെ രക്ഷിക്കാന് കിണറ്റില് ഇറങ്ങിയ അതിഥി തൊഴിലാളികള് മരിച്ചു. ഒഡീഷ സ്വദേശികളായ സന്തോഷ് ബാത്യ, നരസിംഗ് പ്രാധാന് എന്നിവരാണ് മരിച്ചത്. ഇവര് മൂന്ന് വര്ഷമായി കൊണ്ടോട്ടിയിലെ കോണ്ക്രീറ്റ് മിക്സ് കമ്പനിയില് ജീവനക്കാരാണ്. കമ്പനിയുടെ അടുത്ത വീട്ടിലെ കിണറ്റില് വീണ ആടിനെ രക്ഷിക്കുന്നതിനിടെയായിരുന്നു അപകടം.
ആടിനെ രക്ഷിക്കാന് ആദ്യം ഇറങ്ങിയ ആള്ക്ക് ശ്വാസതടസം നേരിട്ടപ്പോഴാണ് രണ്ടാമതും ആളിറങ്ങിയത്. ഇന്ന് വൈകിട്ട് ആറ് മണിയോടെയായിരുന്നു സംഭവം. മാവൂരില് നിന്നും ഫയര്ഫോഴ്സ് എത്തിയാണ് ഇരുവരെയും പുറത്ത് എത്തിച്ചത്. കൊണ്ടോട്ടി സ്വകാര്യ ആശുപത്രിയില് നിന്നും മൃതദേഹം കോഴിക്കോട് മെഡിക്കല് കോളേജിലേക്ക് മാറ്റി.
