തുണിത്തരങ്ങൾക്കും ചെരിപ്പിനും നാളെ മുതൽ നടപ്പാക്കുന്ന ജിഎസ്ടി വർധനയെ ധനമന്ത്രിമാരുടെ യോഗത്തിൽ ബിജെപി ഭരിക്കുന്ന ഗുജറാത്ത് ഉൾപ്പെടെയുള്ള സംസ്ഥാനങ്ങൾ എതിർത്തതോടെ ഇന്നു നടക്കുന്ന ജിഎസ്ടി കൗൺസിലിൽ തീരുമാനം മരവിപ്പിക്കാൻ സാധ്യത. വർധന നടപ്പായാൽ തുണിക്കും ചെരിപ്പിനും വില കൂടും.
1000 രൂപ വരെയുള്ള തുണിത്തരങ്ങൾക്കും ചെരിപ്പിനും നാളെ മുതൽ ജിഎസ്ടി നിരക്ക് 12% ആക്കുന്നതിനെ ബംഗാൾ, ഡൽഹി, രാജസ്ഥാൻ, തമിഴ്നാട്, തെലങ്കാന എന്നീ സംസ്ഥാനങ്ങളും എതിർത്തു.