കണ്ണൂർ: സര്‍വേ നടത്തി അതിദരിദ്രരെ കണ്ടെത്തിയാല്‍ മാത്രം പോരെന്നും അവര്‍ ഓരോരുത്തരേയും പൊതുസമൂഹത്തിന്‍റെ ഭാഗമാക്കണമെന്നും തദ്ദേശ സ്വയംഭരണ മന്ത്രി എം.വി. ഗോവിന്ദന്‍. അതിദരിദ്രരെ കണ്ടെത്തല്‍ വിവരശേഖരണത്തിന്‍റെ ജില്ലാതല ഉദ്ഘാടനം കണ്ണപുരം ചുണ്ട ലക്ഷംവീടിന് സമീപം നിര്‍വഹിച്ചു പ്രസംഗിക്കുകയായിരുന്നു മന്ത്രി. കണ്ണപുരം വരുവോല ഹൗസില്‍ നാരായണ്‍ – നാരായണി എന്നിവരുടെ കുടുംബ വിവര ശേഖരണം നടത്തിയാണ് മന്ത്രി ഉദ്ഘാടനം നിര്‍വഹിച്ചത്.
ജില്ലയിലെ 71 ഗ്രാമപഞ്ചായത്തുകളിലായി 1166 വാര്‍ഡുകളിലും ഒമ്പത് മുനിസിപ്പാലിറ്റിയിലും കോര്‍പറേഷനിലുമായി 379 വാര്‍ഡുകളിലും എന്യൂമറേഷന്‍ പ്രവര്‍ത്തനം പുരോഗമിക്കുന്നു. ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ അധ്യക്ഷത വഹിച്ചു.
അതിദരിദ്രരെ പൊതുസമൂഹത്തിന്‍റെ ഭാഗമാക്കണം: മന്ത്രി ഗോവിന്ദന്‍
