കോവിഡ് കാരണം മരിച്ചവരുടെ കുടുംബത്തിനു നൽകുന്ന 50,000 രൂപയുടെ ധനസഹായത്തിന് അർഹരായ ആശ്രിതർ ആരൊക്കെയെന്ന് വ്യക്തത വരുത്തി സർക്കാർ ഉത്തരവിറക്കി. മരിച്ചയാൾക്ക് ജീവിത പങ്കാളിയുണ്ടെങ്കിൽ ആ വ്യക്തിക്കാണ് ആദ്യ അർഹത. മാതാപിതാക്കൾ മരിച്ചാൽ തുക മക്കൾക്ക് തുല്യമായി വീതിക്കും. വിവാഹം കഴിച്ചിട്ടില്ലെങ്കിലോ പങ്കാളി ജീവിച്ചിരിപ്പില്ലെങ്കിലോ മാതാപിതാക്കൾക്ക് വീതിച്ചു നൽകണം.
മാതാപിതാക്കളും പങ്കാളിയും മക്കളും ജീവിച്ചിരിപ്പില്ലെങ്കിൽ മരിച്ച വ്യക്തിയെ ആശ്രയിച്ച് കഴിഞ്ഞിരുന്ന സഹോദരങ്ങൾക്ക് നൽകണം. മരിച്ച വ്യക്തിയുടെ കുടുംബത്തിൽ പങ്കാളി/മക്കൾ എന്നിവർക്കൊപ്പം ആശ്രിത മാതാപിതാക്കൾ കൂടി ഉണ്ടെങ്കിൽ അവർക്കും ആനുപാതിക സഹായം അനുവദിക്കും