പേരാവൂര്: കോ-ഓപ്പറേറ്റീവ് ഹൗസ് ബില്ഡിംഗ് സൊസൈറ്റിയില് ചിട്ടിതട്ടിപ്പുമായി ബന്ധപ്പെട്ട് സസ്പെൻഷനിലായ സെക്രട്ടറി ഓഡിറ്റിംഗ് ഓഫീസറെ സ്വാധീനിച്ച് രേഖകളിൽ ഒപ്പുവച്ചുവെന്ന് സമരസമിതി. നിക്ഷേപകരുടെ പരാതിയില് സെക്രട്ടറിയായിരുന്ന പി.വി. ഹരിദാസനെ അന്വേഷണ വിധേയമായി സഹകരണ വകുപ്പ് അസിസ്റ്റന്റ് രജിസ്ട്രാര് സസ്പെൻഡ് ചെയ്തിരുന്നു.
മേലധികാരികളുടെ അനുമതിയില്ലാതെയാണ് സെക്രട്ടറി സൊസൈറ്റിയില് എത്തിയതെന്നും ഓഡിറ്ററെ മാറ്റിനിര്ത്തി ഓഡിറ്റിംഗ് പൂര്ത്തിയാക്കണമെന്നും ആവശ്യപ്പെട്ട് സമരസമതിയുടെ നേതൃത്വത്തില് അസിസ്റ്റന്റ് രജിസ്ട്രാര്ക്കും ജില്ല രജിസ്ട്രാര്ക്കും പരാതി നല്കി. സമരസമിതി കണ്വീനര് സിബി ജോസഫ്, ചെയര്മാന് കെ. സനീഷ് എന്നിവരുടെ നേതൃത്വത്തില് സൊസൈറ്റിയില് എത്തിയതിന് ശേഷമാണ് അസിസ്റ്റന്റ് രജിസ്ട്രാര്ക്കും ജില്ലാ രജിസ്ട്രാര്ക്കും പരാതി നല്കിയത്.