എടൂര്: കാരാപറമ്പ് ആവിലാസദന് കര്മ്മലീത്ത ആശ്രമദേവാലയത്തില് 12ന് ആരംഭിക്കുന്ന തിരുനാളിന്റെ ഭാഗമായി വിശുദ്ധ അമ്മത്രേസ്യയുടെ തിരുസ്വരൂപം ഇന്ന് പരസ്യവണക്കത്തിനായി പ്രതിഷ്ഠിക്കും.
രാവിലെ 5.30ന് ജപമാലയോടുകൂടി ആരംഭിക്കുന്ന പീഢാനുഭവ തിരുമണിക്കൂര് ശുശ്രൂഷയ്ക്കുശേഷമായിരിക്കും തിരുസ്വരൂപ പ്രതിഷ്ഠ. തിരുനാളിന്റെ ഭാഗമായി 11 ന് രാവിലെ 5.30ന് ആശ്രമശ്രേഷ്ഠന് ഫാ. റാഫ്സണ് പീറ്ററിന്റെ മുഖ്യകാര്മികത്വത്തില് രോഗശാന്തി ശുശ്രൂഷകള് ആരംഭിക്കും. 12 ന് വൈകുന്നേരം 4.30 ന് പ്രൊവിന്ഷ്യല് ഫാ. തോമസ് മരോട്ടിക്കപ്പറമ്പില് ഒസിഡി കൊടിയേറ്റും. തുടര്ന്ന് തിരുനാള് ദിവ്യബലി ഉണ്ടായിരിക്കും.13ന് രാവിലെ 6.30 നും പത്തിനും വൈകുന്നേരം 4.30 നും തിരുനാള് കുര്ബാന ഉണ്ടായിരിക്കും. 14ന് രാവിലെ പത്തിന് നടക്കുന്ന തിരുനാള് ദിവ്യബലിയിൽ കോഴിക്കോട് ബിഷപ് ഡോ. വര്ഗീസ് ചക്കാലക്കൽ മുഖ്യകാർമികത്വം വഹിക്കും. പ്രധാന തിരുനാള് ദിനമായ 15 ന് രാവിലെ പത്തിന് നടക്കുന്ന സാഘോഷ ദിവ്യബലിയിൽ ഫാ. ബാബു പോള്ഒസിഡി കാർമികനായിരിക്കും.