സിനിമാനയ രൂപീകരണത്തിനായുള്ള സിനിമ കോണ്ക്ലേവിന് ഇന്ന് തുടക്കം. ഹേമ കമ്മിറ്റി റിപ്പോര്ട്ടും തുടര്ന്നുള്ള വിവാദങ്ങളും പിടിച്ചുലച്ച മലയാള സിനിമയെ നയ രൂപീകരണത്തിലൂടെ മുന്നോട്ടു നയിക്കാനാകുമെന്ന പ്രതീക്ഷയിലാണ് സര്ക്കാര്. ഒന്പതോളം വിഷയങ്ങളിലാണ് കോണ്ക്ലേവില് സമഗ്ര ചര്ച്ച നടക്കുക.
ഹേമാ കമ്മിറ്റി റിപ്പോര്ട്ട്, ലൈംഗികാരോപണങ്ങള്, ലിംഗനീതിയെ കുറിച്ചുള്ള ചര്ച്ച, മലയാള സിനിമ മേഖലയെ ചുറ്റിപ്പറ്റി കഴിഞ്ഞ കുറച്ചുകാലങ്ങളില് ഉയര്ന്ന വിവാദങ്ങള് ഏറെയാണ്. വിവാദങ്ങളില് പരിഹാരം തേടുകയാണ് സിനിമാനയരൂപീകരണത്തിലൂടെ. അതിന്റെ ഭാഗമായാണ് തിരുവനന്തപുരത്ത് ഇന്നും നാളെയുമായി സിനിമാ കോണ്ക്ലേവ് സംഘടിപ്പിക്കുന്നത്.
