Uncategorized
കമ്പ്യൂട്ടര് സംവിധാനം തകരാറിലായി; എല്ലാ വിമാന സര്വീസുകളും നിര്ത്തിവച്ച് അലാസ്ക എയര്ലൈന്സ്
ന്യൂയോര്ക്ക്: അമേരിക്കന് വ്യോമയാന കമ്പനിയായ അലാസ്ക എയര്ലൈന്സ് എല്ലാ വിമാന സര്വീസുകളും നിര്ത്തിവച്ചു. വിമാന സര്വീസുകളുമായി ബന്ധപ്പെട്ട കമ്പ്യൂട്ടര് സംവിധാനത്തില് തകരാര് കണ്ടെത്തിയതിനെ തുടര്ന്നാണ് അലാസ്ക ഈ തീരുമാനമെടുത്തത്. എന്നാല് എന്താണ് വിമാന സര്വീസുകള് താറുമാറാക്കിയ കൃത്യമായ ഐടി പ്രശ്നം എന്ന് അലാസ്ക എയര്ലൈന്സ് വ്യക്തമാക്കിയിട്ടില്ലെന്ന് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. അലാസ്ക എയര്ലൈന്സിന്റെ 200-ലധികം വിമാന സര്വീസുകളെ പ്രശ്നം ബാധിച്ചതായാണ് വിവരം.
