കണ്ണൂർ:ജയിലുകളിൽ കോവിഡ് വ്യാപനം റിപ്പോർട്ട് ചെയ്തതോടെ തടവുകാർക്ക് പരോളും ജാമ്യവും അനുവദിച്ച് പുറത്തിറങ്ങാൻ അനുമതി. ശിക്ഷിക്കപ്പെട്ട് തടവിൽക്കഴിയുന്ന 1500 പേർക്കും വിചാരണത്തടവുകാരായ 350 പേർക്കും ഈ ആനുകൂല്യത്തിൽ പുറത്തിറങ്ങാം.
കോവിഡിന്റെ പശ്ചാത്തലത്തിൽ ജയിലുകളിൽ അന്തേവാസികളുകളുടെ എണ്ണം കുറയ്ക്കാൻ സുപ്രീംകോടതി നിർദേശിച്ചിരുന്നു. ഇതിന്റെ അടിസ്ഥാനത്തിൽ രൂപവത്കരിച്ച സമിതിയുടെ ഉത്തരവനുസരിച്ചാണ് തടവുകാരുടെ മോചനം. ശിക്ഷാ തടവുകാർക്ക് 90 ദിവസത്തെ പരോൾ നൽകും.