കേന്ദ്ര സര്ക്കാര് വേണ്ടത്ര കോവിഡ് വാക്സീന് അനുവദിക്കാത്തതിനാല് സംസ്ഥാനം കടുത്ത പ്രതിസന്ധിയില്. 50 ലക്ഷം ഡോസ് ഉടന് വേണമെന്ന് ആവശ്യപ്പെട്ടെങ്കിലും ഇന്നലെ എത്തിയതു 2 ലക്ഷം മാത്രം.
ഇതുകൂടാതെ സംഭരണ കേന്ദ്രങ്ങളിലുള്ളതു 4 ലക്ഷം ഡോസ്. ഇന്നലെയെത്തിയ 2 ലക്ഷം ഡോസില് 30,000 തിരുവനന്തപുരം ജില്ലയ്ക്കും 10,000 വീതം കൊല്ലം, ആലപ്പുഴ, പത്തനംതിട്ട ജില്ലകള്ക്കും ലഭിച്ചു. വാക്സീന് ക്ഷാമം കാരണം തിരുവനന്തപുരം ജില്ലയിലെ 188 ക്യാംപുകളില് 24 എണ്ണം മാത്രമാണ് ഇന്നലെ പ്രവര്ത്തിച്ചത്.
സംസ്ഥാനത്തെ 3.65 കോടി ജനങ്ങളില് 13.39 % മാത്രമേ ഇതുവരെ വാക്സീന് സ്വീകരിച്ചിട്ടുള്ളൂ. ആദ്യ ഡോസ് 48.97 ലക്ഷം പേര്ക്കു ലഭിച്ചു. രണ്ടാം ഡോസും ലഭിച്ചവര് 5.93 ലക്ഷം. ആദ്യ ഡോസ് കുത്തിവച്ച മിക്കവരും രണ്ടാം ഡോസ് സ്വീകരിക്കേണ്ട സമയം അടുക്കുമ്ബോഴാണു വാക്സീന് ക്ഷാമം.