കുടിവെള്ള പ്രശ്നങ്ങൾക്കു പരിഹാരം കാണാനും പരാതികൾ സമയബന്ധിതമായി പരിഹരിക്കുന്നതിനും വേനൽക്കാല കുടിവെള്ള വിതരണം കാര്യക്ഷമമാക്കാനും വാട്ടർ അഥോറിറ്റി കേന്ദ്ര കാര്യാലയത്തിൽ പരാതി പരിഹാരനിരീക്ഷണ സെൽ.1916 എന്ന ടോൾ ഫ്രീ നമ്പരിൽ 24 മണിക്കൂറും 9495998258 എന്ന വാട്സാപ്പ് നമ്പരിലും മെസഞ്ചർ വഴിയും പരാതികൾ സ്വീകരിക്കും. 15 മുതൽ മേയ് 31 വരെ ലഭിക്കുന്ന പരാതികൾ പ്രത്യേകം നിരീക്ഷിക്കും.
ജില്ലാതലത്തിൽ പരാതികൾ സ്വീകരിക്കുന്നതിനായി സൂപ്രണ്ടിംഗ് എൻജിനിയറുടെ ഓഫിസിൽ ജില്ലാതല കൺട്രോൾ റൂം സജ്ജമാക്കി. ഇത് രാവിലെ ഒമ്പതു മുതൽ രാത്രി ഒമ്പതു വരെയും അത്യാവശ്യ ഘട്ടങ്ങളിൽ 24 മണിക്കൂറും പ്രവർത്തിക്കും. നോഡൽ ഓഫിസർമാരെയും ചുമതലപ്പെടുത്തിയിട്ടുണ്ട്.
അടിയന്തര അറ്റകുറ്റപ്പണിക്ക് ബ്ലൂ ബ്രിഗേഡ് സംവിധാനം കാര്യക്ഷമമാക്കും. ജലദുരുപയോഗം, മോഷണം എന്നിവ കണ്ടെത്തുന്നതിന് ആന്റിതെഫ്റ്റ് സ്ക്വാഡ് രൂപീകരിക്കും.
ജില്ലാതല കൺട്രോൾ റൂം നമ്പറുകൾ
തിരുവനന്തപുരം 0471 2322303
കൊല്ലം 0474 2742993
പത്തനംതിട്ട 0468 2222670
കോട്ടയം 0481 2563701
ആലപ്പുഴ 0477 2237954
എറണാകുളം 0484 2361369
ഇടുക്കി 0485 2835637
തൃശൂർ 0487 2333070
പാലക്കാട് 0491 2546632
കോഴിക്കോട് 0495 2370095
വയനാട് 0493 6220422
മലപ്പുറം 9188127925
കണ്ണൂർ 04972 707080
കാസർഗോഡ് 04994 255544