ഐസിസി ചാമ്പ്യന്സ് ട്രോഫി കിരീടം ഇന്ത്യയ്ക്ക്. അപരാജിതരായി ഇന്ത്യ കിരീടത്തിലേത്ത്. ഫൈനല് പോരില് കിവീസിനെ നാല് വിക്കറ്റിന് തകര്ത്താണ് ഇന്ത്യയുടെ കിരീട നേട്ടം. ഒരോവര് ബാക്കി നില്ക്കേയാണ് ഇന്ത്യ തകര്പ്പന് ജയം നേടിയത്. ചാമ്പ്യന്സ് ട്രോഫി ചരിത്രത്തിലെ ഇന്ത്യയുടെ മൂന്നാമത്തെ കിരീടനേട്ടമാണിത്. തുടര്ച്ചയായി രണ്ട് ഐ.സി.സി. കിരീടങ്ങള് നേടുന്ന ക്യാപ്റ്റനെന്ന ഖ്യാതി ഇനി രോഹിത് ശര്മയ്ക്ക് സ്വന്തം. ദുബായ് ഇന്റര്നാഷണല് ക്രിക്കറ്റ് സ്റ്റേഡിയത്തില് 252 റണ്സ് വിജയലക്ഷ്യം പിന്തുടര്ന്ന ഇന്ത്യ 49 ഓവറില് ആറ് വിക്കറ്റ് നഷ്ടത്തില് ലക്ഷ്യം മറികടന്നു.
