Uncategorized
കേടായ പന്നിയിറച്ചി, പായ തുറന്നപ്പോൾ മൃതദേഹം; സാമുവല് കൊലക്കേസിലെ വാക്കത്തി കിട്ടിയത് കനാലില് നിന്ന്
ഇടുക്കി: കൊലക്കേസ് പ്രതിയും ഗുണ്ടയുമായിരുന്നയാളെ ക്രൂരമായി കൊല ചെയ്ത കേസില് കൊലയാളികള് ഉപയോഗിച്ച പ്രധാന ആയുധമായ വാക്കത്തി കണ്ടെത്തി. കൈ വെട്ടി എടുത്ത ശേഷം വാക്കത്തി കനാലിലേക്ക് വലിച്ചെറിഞ്ഞതായി പ്രതി അശ്വിന് പറഞ്ഞതനുസരിച്ച് കനാലില് പൊലീസ് ആദ്യം തെരച്ചില് നടത്തിയിരുന്നു. കാഞ്ഞാര് എസ്.എച്ച്.ഒ കെ.എസ് ശ്യാംകുമാര് മൂലമറ്റം ഫയര്ഫോഴ്സിന്റെയും, കെ എസ് ഇ.ബോര്ഡിന്റെയും സഹായത്താല് കനാലിലെ വെള്ളം ചെറിയ തോതില് കുറച്ചു. ഫയര്സ്റ്റേഷന് ഹൗസ് ഓഫിസര് റ്റി.കെ അബ്ദുള് അസീസിന്റെ നേതൃത്വത്തില് പൊലീസിനൊപ്പം ഒമ്പതംഗ സംഘം കനാലില് കാന്തം ഉപയോഗിച്ച് നടത്തിയ തെരച്ചിലില് കൊലയ്ക്ക് ഉയോഗിച്ച വാക്കത്തി കണ്ടെത്തുകയായിരുന്നു. വെള്ളിയാഴ്ച രാവിലെ 10.30 ന് തെരച്ചില് തുടങ്ങി 12 മണിയോടെ വാക്കത്തി കണ്ടെടുത്തു.
