മലപ്പുറം: മലപ്പുറം കുറ്റിപ്പുറത്ത് പശു മോഷ്ടാക്കൾ പിടിയിൽ. ഫാമിൽ നിന്ന് പശുവിനെ മോഷ്ടിച്ച കേസിലാണ് രണ്ട് പേർ പിടിയിലായത്. കുറ്റിപ്പുറം കൊളക്കാട് സ്വദേശി കൈപ്പള്ളി ഷാഹുൽ ഹമീദ്, പേരശ്ശന്നൂർ അവക്കാട്ട് പറമ്പിൽ മധു എന്നിവരാണ് അറസ്റ്റിലായത്. കുറ്റിപ്പുറം കണ്ണാംപറമ്പ് സ്വദേശി ഇബ്രാഹിമിന്റെ പശുവിനെയാണ് ഇവർ മോഷ്ടിച്ചത്. പശുവിനെ കൊണ്ടുപോകുമ്പോൾ നാട്ടുകാർ ഇവരെ പിന്തുടർന്ന് പിടിക്കുകയായിരുന്നു
