ഇരിട്ടി: ഇരിട്ടി താലൂക്ക് ആസ്പത്രി കനിവ് കിഡ്‌നി ഡയാലിസിസ് സെന്ററിന് സ്റ്റേറ്റ് സർവീസ് പെൻഷനേഴ്‌സ് അസോസിയേഷന്റെ കൈത്താങ്ങ്. അസോസിയേഷൻ പേരാവൂർ നിയോജകമണ്ഡലം കമ്മിറ്റി അരലക്ഷം രൂപ ഡയാലിസിസ് സെന്ററിന് സഹായം നൽകി. കെ എസ് എസ് പി എ നിയോജകമണ്ഡലം സമ്മേളനത്തിൽ വച്ച് അഡ്വ. സണ്ണി ജോസഫ് എം എൽ എ നഗരസഭ ചെയർപേഴ്‌സൺ കെ. ശ്രീലതയ്ക്ക് തുക കൈമാറി. നഗരസഭ കൗൺസിലർ കെ. നന്ദനൻ, കെ എസ് എസ് പി എ ഭാരവാഹികളായ എം.പി. വേലായുധൻ, പി.സി. വർഗീസ്, സി.നാരായണൻ, സി.വി. കുഞ്ഞനന്തൻ, പി.ടി. വർക്കി, ആശുപത്രി സൂപ്രണ്ട് എം.രാജേഷ്, പി ആർ ഒ മിനിമോൾ, എ.കെഷിമ തുടങ്ങിയവർ സംബന്ധിച്ചു.
സുമനസുകളിൽ നിന്നും സഹായം സ്വീകരിച്ചാണ് ഡയാലിസിസ് സെന്റർ പ്രവർത്തിക്കുന്നത്. നിർദ്ധനരായ വ്യക്കരോഗികൾക്ക് കൈത്താങ്ങായി മാറുന്ന സെന്റർ കടുത്ത സാമ്പത്തിക പ്രതിസന്ധി നേരിടുകയാണ്. ജീവനക്കാരുടെ ശബളം പോലും മുടങ്ങുന്ന ഘട്ടത്തിലാണ് കെ എസ് എസ് പി എ സഹായ ഹസ്തം .
താലൂക്ക് ആസ്പത്രി ഡയാലിസിസ് സെന്ററിന് കെ എസ് എസ് പി എയുടെ കൈത്താങ്ങ്
