പേരാവൂർ: മണത്തണ ടൗണിൽ ചാരിറ്റി സംഘടനയുടെ പേരിൽ വ്യാജമായി പിരിവെടുക്കുന്നുവെന്ന വിവരത്തെ തുടർന്ന് രണ്ട് പേരെ പേരാവൂർ പോലീസ് കസ്റ്റഡിയിലെടുത്തു.കണ്ണൂർ തോട്ടട സ്വദേശികളായ ശിവശക്തിയിൽ പ്രസാദ് (32), അജയ് നിവാസിൽ മനോജ് (40) എന്നിവരെയാണ് പിടികൂടി കേസെടുത്തത്.
പാലക്കാട് ജില്ലയിലെ മദർ ചാരിറ്റബിൾ ട്രസ്റ്റിന്റെ പേരിൽ വ്യാജ പിരിവെന്നായിരുന്നു പരാതി. ട്രസ്റ്റിന് വേണ്ടി കമ്മീഷൻ വ്യവസ്ഥയിലാണ് ഇവർ പിരിവെടുക്കുന്നതെന്നാണ് വിവരം.ശനിയാഴ്ച ഉച്ചയോടെ ടൗണിൽ പിരിവെടുക്കുന്നതിനിടെയാണ് സംശയം തോന്നിയ വ്യാപാരികൾ പോലീസിൽ വിവരമറിയിച്ചത്.