മന്ത്രിസഭാ രൂപീകരണം; കോണ്ഗ്രസ് നേതൃത്വം ഇന്ന് ഘടകകക്ഷികളുമായി ഉഭയകക്ഷി ചര്ച്ച നടത്തും
മന്ത്രിസഭാ രൂപീകരണം സംബന്ധിച്ച് കോണ്ഗ്രസ് നേതൃത്വം ഇന്ന് ഘടകകക്ഷികളുമായി ഉഭയകക്ഷി ചര്ച്ച നടത്തും. രാവിലെ 11 മുതല് തുടങ്ങുന്ന ചര്ച്ചയില് മന്ത്രിസ്ഥാനത്തിന്റെ എണ്ണം, വകുപ്പ് എന്നിവ സംബന്ധിച്ച് ധാരണയിലെത്തും. ഇന്നലെ കൊച്ചിയിലേക്ക് പോയ നിയുക്ത മുഖ്യമന്ത്രി വി ഡി സതീശന് ഉഭയകക്ഷി ചര്ച്ചകള്ക്കായി രാവിലെ പത്തരയോടെ തലസ്ഥാനത്ത് തിരിച്ചെത്തും.
Logo
live TV
Advertisement
Headlines
Kerala News
മന്ത്രിസഭാ രൂപീകരണം; കോണ്ഗ്രസ് നേതൃത്വം ഇന്ന് ഘടകകക്ഷികളുമായി ഉഭയകക്ഷി ചര്ച്ച നടത്തും
24 Web Desk
21 minutes ago
Google News
3 minutes Read
udf
മന്ത്രിസഭാ രൂപീകരണം സംബന്ധിച്ച് കോണ്ഗ്രസ് നേതൃത്വം ഇന്ന് ഘടകകക്ഷികളുമായി ഉഭയകക്ഷി ചര്ച്ച നടത്തും. രാവിലെ 11 മുതല് തുടങ്ങുന്ന ചര്ച്ചയില് മന്ത്രിസ്ഥാനത്തിന്റെ എണ്ണം, വകുപ്പ് എന്നിവ സംബന്ധിച്ച് ധാരണയിലെത്തും. ഇന്നലെ കൊച്ചിയിലേക്ക് പോയ നിയുക്ത മുഖ്യമന്ത്രി വി ഡി സതീശന് ഉഭയകക്ഷി ചര്ച്ചകള്ക്കായി രാവിലെ പത്തരയോടെ തലസ്ഥാനത്ത് തിരിച്ചെത്തും.
മുസ്ലിം ലീഗിന് അഞ്ച് മന്ത്രിസ്ഥാനം ലഭിക്കാനാണ് സാധ്യത. നാല് മന്ത്രിസ്ഥാനവും കാബിനറ്റ് പദവിയും നല്കുന്നതും പരിഗണനിയിലുണ്ട്. ലീഗിന്റെ മന്ത്രിമാരുടെ കാര്യത്തില് ഇന്ന് തീരുമാനമായേക്കും. ഇന്ന് ചേരുന്ന മുസ്ലിംലീഗ് പാര്ലമെന്ററി പാര്ട്ടി യോഗത്തില് ആരൊക്ക മന്ത്രിമാരാകുമെന്ന് തീരുമാനം ഉണ്ടാകും. പി കെ കുഞ്ഞാലികുട്ടിക്ക് പുറമെ കെ എം ഷാജി, എന് ഷംസുദ്ധീന്, പി കെ ബഷീര് എന്നിവര് മന്ത്രിമാരാകും. വകുപ്പ് വിഭജനം സംബന്ധിച്ച് കോണ്ഗ്രസുമായുള്ള ഉഭയകക്ഷി ചര്ച്ചയ്ക്ക് ശേഷം തീരുമാനം ഉണ്ടാകും.
രണ്ട് മന്ത്രി സ്ഥാനം ലഭിക്കുമെന്ന പ്രതീക്ഷയിലാണ് കേരള കോണ്ഗ്രസ് ജോസഫ് വിഭാഗം . ഇന്ന് 10 മാണിക്ക് നടക്കുന്ന ഉഭയകക്ഷി യോഗത്തില് രണ്ട് മന്ത്രിസ്ഥാനം വേണമെന്ന ആവശ്യം വീണ്ടും ഉന്നയിക്കും. എന്നാല് ഇതിനുവേണ്ടി മുന്നണിയെ പ്രതിസന്ധിയില് ആകേണ്ട ആവശ്യം ഇല്ല എന്നാണ് ഇവരുടെ തീരുമാനം. ഒരു മന്ത്രി സ്ഥാനവും ചീഫ് വിപ്പ് പദവിയും കേരള കോണ്ഗ്രസിന് ലഭിച്ചേക്കും എന്നാണ് സൂചന.
തിങ്കളാഴ്ച മുഖ്യമന്ത്രിയോടൊപ്പം മുഴുവന് മന്ത്രിമാരും സത്യപ്രതിജ്ഞ ചെയ്യുമെന്ന് യുഡിഎഫ് കണ്വീനര് ഇന്നലെ വ്യക്തമാക്കിയിരുന്നു. സംഘടനാ ചുമതലയുള്ള എഐസിസി ജനറല് സെക്രട്ടറി കെ സി വേണുഗോപാലിന്റെ കൂടി സാന്നിധ്യത്തില് ആകും തുടര് ചര്ച്ചകള്. ഈ മാസം 23ന് സ്പീക്കര് തിരഞ്ഞെടുപ്പ്.
