അട്ടപ്പാടി മധു വധക്കേസില് ഒരു സാക്ഷി കൂടി കൂറുമാറി. 27-ാം സാക്ഷി സെയ്തലവിയാണ് ചൊവ്വാഴ്ച കൂറുമാറിയത്. ഇതോടെ വിചാരണയ്ക്കിടെ കൂറുമാറിയ സാക്ഷികളുടെ എണ്ണം 14 ആയി.
അട്ടപ്പാടി മധു വധക്കേസില് നിര്ത്തിവച്ച വിചാരണ നടപടികള് മണ്ണാര്ക്കാട് എസ്സി-എസ്ടി കോടതിയില് ചൊവ്വാഴ്ചയാണ് പുനരാരംഭിച്ചത്. സ്പെഷ്യല് പബ്ലിക്ക് പ്രോസിക്യൂട്ടറുടെ ആവശ്യപ്രകാരം നീട്ടിവെച്ച നടപടികളാണ് പുനരാരംഭിച്ചത്.
നാല് സാക്ഷികളെ എങ്കിലും ഓരോ ദിവസവും വിസ്തരിക്കാനാണ് തീരുമാനം. കേസില് 122 സാക്ഷികളാണുള്ളത്.