മാസപ്പടി കേസ്; വീണ വിജയൻ്റെ ബാങ്ക് ലോക്കറിൽ ഇഡി ഉദ്യോ​ഗസ്ഥരുടെ പരിശോധന, ബാങ്കിന് മുന്നിൽ അതീവ സുരക്ഷ

തിരുവനന്തപുരം: മാസപ്പടി കേസിൻ്റെ പശ്ചാത്തലത്തിൽ പ്രതിപക്ഷ നേതാവ് പിണറായി വിജയന്‍റെ മകള്‍ വീണ വിജയൻ്റെ ബാങ്ക് ലോക്കർ ഇഡി ഉദ്യോ​ഗസ്ഥർ പരിഗോധിക്കുന്നു. ആയുർവേദ കോളേജിൻ്റെ മുന്നിലുള്ള എച്ച്ഡിഎഫ്സി ബാങ്കിലാണ് പരിശോധന നടക്കുന്നത്. കൊച്ചിയിലെ ഓഫീസിൽ വെച്ച് നടത്തിയ ചോദ്യം ചെയ്യലിന് ശേഷമാണ് വീണയുടെ ബാങ്ക് അക്കൗണ്ടുകൾ പരിശോധിക്കുന്നത്. തുടരന്വേഷണത്തിൻ്റെ ഭാ​ഗമായാണ് പരിശോധന. ഈ ബാങ്കിലാണ് സ്വർണമുൾപ്പെടെയുള്ള ലോക്കർ സൗകര്യങ്ങൾ ഉപയോ​ഗിച്ചിട്ടുള്ളതെന്ന് വീണ മൊഴി നൽകിയിരുന്നു. കേന്ദ്ര സേനാം​ഗങ്ങൾ ഉൾപ്പെടെ പരിശോധനയ്ക്ക് എത്തിയിട്ടുണ്ട്. ഉന്നത ഉദ്യോ​ഗസ്ഥരും പരിശോധനയുടെ വിവരങ്ങൾ കൈമാറിയിരുന്നു. നിലവിൽ പരിശോധന തുടരുകയാണ്.