ഓപ്പറേഷൻ സിന്ദൂർ: 8 മരണമെന്ന പാക് സൈന്യത്തിൻ്റെ വാദം തള്ളി പാക് മാധ്യമങ്ങൾ; കൊല്ലപ്പെട്ടത് 32 പേരെന്ന് വാർത്ത

ദില്ലി: പഹൽഗാം ഭീകരാക്രമണത്തിനുള്ള മറുപടിയായി പാകിസ്ഥാനിലെ ഭീകര കേന്ദ്രങ്ങൾക്ക് നേരെ ഇന്ത്യ നടത്തിയ ആക്രമണത്തിൽ 32 പേർ കൊല്ലപ്പെട്ടതായി പാക് മാധ്യമങ്ങൾ റിപ്പോർട്ട് ചെയ്യുന്നു. നേരത്തെ എട്ട് പേർ കൊല്ലപ്പെട്ടതായാണ് പാക് സൈന്യം വ്യക്തമാക്കിയത്. ഇത് തള്ളുന്നതാണ് മാധ്യമ വാർത്തകൾ. അതേസമയം ഭീകരൻ മസൂദ് അസറിൻ്റെ കുടുംബാംഗങ്ങളും ആക്രമണത്തിൽ കൊല്ലപ്പെട്ടതായി പാക് മാധ്യമങ്ങൾ റിപ്പോർട്ട് ചെയ്യുന്നുണ്ട്. അതേസമയം ഇന്ത്യൻ പ്രതിരോധ സേനകളും വിദേശകാര്യ മന്ത്രാലയവും സംയുക്തമായി നടത്തിയ വാർത്താ സമ്മേളനത്തിൽ ഭീകര കേന്ദ്രങ്ങൾക്ക് നേരെയാണ് ആക്രമണം നടത്തിയതെന്നും സാധാരണക്കാരെ ആരെയും കൊലപ്പെടുത്തിയില്ലെന്നും വ്യക്തമാക്കിയിരുന്നു.