ഈ വർഷത്തെ പ്ലസ് വണ്‍ ഏകജാലക നടപടികൾ രണ്ടുദിവസത്തിനുള്ളിൽ ആരംഭിക്കും. മുൻ തീരുമാനപ്രകാരം ഇന്നുമുതലായിരുന്നു ഏകജാലകപ്രവേശന നടപടികൾ ആരംഭിക്കേണ്ടിയിരുന്നത്. എന്നാൽ, ഭേഗദതി വരുത്തിയ പ്രോസ്പെക്ടസിന് അംഗീകാരം നൽകുന്നതിനായി ഇന്ന് ഉന്നതതലയോഗം ചേരും. പ്രോസ്പെക്ടസ് അംഗീകാരം നല്കുന്ന മുറയക്ക് ഓണ്‍ ലൈനായി അപേക്ഷ സമർപ്പിക്കാനുള്ള അവസരമൊരുക്കും.
പ്രവേശനത്തിന്‍റെ ആദ്യഘട്ടത്തിൽ തന്നെ പാലക്കാട് മുതൽ കാസർഗോഡു വരെയുള്ള ജില്ലകളിലും തിരുവനന്തപുരത്തും സർക്കാർ സ്കൂളുകളിൽ 30 ശതമാനവും എയ്ഡഡ് സ്കൂളുകളിൽ 20 ശതമാനവും സീറ്റ് വർധിപ്പിക്കാൻ തീരുമാനിച്ചിട്ടുണ്ട്. കൊല്ലം, എറണാകുളം, തൃശൂർ ജില്ലകളിൽ 20 ശതമാനം സീറ്റാണ് വർധിപ്പിക്കുക.