Uncategorized
ജി സുധാകരന്റെ വീടിന് സമീപത്തെ CPIM ശക്തി പ്രകടനവും പൊതുയോഗവും; കേസ്, ഏരിയ സെക്രട്ടറിയും പ്രതി
ആലപ്പുഴ: ജി സുധാകരന്റെ വീടിന് സമീപം സിപിഐഎം നടത്തിയ ശക്തി പ്രകടനത്തിലും പൊതുയോഗത്തിലും കേസെടുത്തു. വാഹനങ്ങൾക്കും പൊതുജനങ്ങൾക്കും ഗതാഗത തടസം സൃഷ്ടിച്ചുവെന്നതിലാണ് പുന്നപ്ര പൊലീസ് കേസെടുത്തത്. സിപിഐഎം അമ്പലപ്പുഴ ഏരിയകമ്മിറ്റി സെക്രട്ടറി ശ്യാംജിക്കും കണ്ടാലറിയുന്ന 499 പേർക്കുമെതിരെയാണ് കേസ്.
സിപിഐഎമ്മുമായി ഇടഞ്ഞ് സ്വതന്ത്ര സ്ഥാനാർത്ഥിത്വം പ്രഖ്യാപിച്ചതിന് പിന്നാലെ ജി സുധാകരന്റ പുന്നപ്രയിലെ വീടിന് പരിസരത്ത് പാർട്ടിയുടെ നേതൃത്വത്തിൽ പ്രതിഷേധ പ്രകടനം നടത്തിയിരുന്നു.
പ്രതികൾ ന്യായവിരോധമായി സംഘം ചേർന്ന് വൈകിട്ട് അഞ്ചര മുതൽ രാത്രി ഏഴ് വരെയുള്ള സമയം പറവൂർ അസംബ്ലി ജംങ്ഷനിൽനിന്നും ദേശീയപാത വഴി പ്രകടനമായി വന്ന് പറവൂർ ബുൾ ബുൾ ഗ്രൗണ്ടിൽ എത്തി പൊതുയോഗം സംഘടിപ്പിച്ച് അതുവഴിയുള്ള വാഹനങ്ങൾക്കും പൊതുജനങ്ങൾക്കും ഗതാഗത തടസം സൃഷ്ടിച്ചു എന്നാണ് എഫ്ഐആറിൽ പറയുന്നത്.
