കൊച്ചി: കുതിച്ചുപാഞ്ഞ് സ്വർണവില. പവന്
1,520 രൂപ കൂടി 1,18,320 രൂപയായി. ഗ്രാമിന് 190 രൂപയുടെ വർധനവാണ് ഉണ്ടായിരിക്കുന്നത്. ഒരു ഗ്രാം സ്വർണത്തിന് 14,790 രൂപയാണ് ഇന്നത്തെ വില.
ആഗോള ഭൗമ രാഷ്ട്രീയ, സാമ്പത്തിക അനിശ്ചിതത്വങ്ങളാണ് സ്വർണ വില ഉയർത്തുന്നത്. യുഎസ്- ഇറാൻ സംഘർഷവും ട്രംപ് തീരുവകൾക്കെതിരായ യുഎസ് സുപ്രിം കോടതി വിധിയും ഓഹരി വിപണികളിൽ ചാഞ്ചാട്ടം സൃഷ്ടിച്ചു. ഇതോടെ സുരക്ഷിത നിക്ഷേപമായ സ്വർണത്തിലും വെള്ളിയിലുമാണ് നിക്ഷേപകരുടെ കണ്ണ്.
