പഞ്ചായത്ത് ആവശ്യത്തിനെന്ന വ്യാജേന കാർ വാടകയ്ക്ക് വാങ്ങി മുങ്ങും; കൊല്ലത്ത് ബിജെപി പ്രവർത്തകൻ പിടിയിൽ

കൊല്ലം: കുണ്ടറയിൽ കരാർ അടിസ്ഥാനത്തിൽ എടുത്ത കാറുകൾ കടത്തിക്കൊണ്ടുപോയ കേസിൽ ബിജെപി പ്രവർത്തകൻ പിടിയിൽ. അമ്പലക്കര മധു എന്നറിയപ്പെടുന്ന രമേഷ് കുമാറാണ് അറസ്റ്റിലായത്. പഞ്ചായത്തംഗമാണെന്ന് തെറ്റിദ്ധരിപ്പിച്ചാണ് ഇയാൾ വാഹനങ്ങൾ എടുത്തിരുന്നതെന്ന് പൊലീസ് പറഞ്ഞു.

പഞ്ചായത്ത് ആവശ്യത്തിനെന്ന വ്യാജേന കാർ വാടകയ്ക്ക് വാങ്ങി മുങ്ങുകയാണ് ഇയാളുടെ പതിവ് രീതിയെന്നാണ് പരാതി. ഈയിടെ നടന്ന ഒരു വാഹന ഇടപാട് കേസിലാണ് കുണ്ടറ പൊലീസ് ഇയാളെ അറസ്റ്റ് ചെയ്തത്.