ഇന്ത്യയിലെ ആദ്യത്തെ ശാരീരിക, മാനസികാരോഗ്യത്തിന് പ്രാധാന്യം നൽകുന്ന സ്റ്റാർട്ടപ്പായ ഹാപ്പിനസ് റിജുവനേഷൻ സെന്റർ കേരള നിയമസഭാ സ്പീക്കർ എ.എൻ ഷംസീർ ഉദ്ഘാടനം ചെയ്തു

ഇന്ത്യയിലെ ആദ്യത്തെ ശാരീരിക, മാനസികാരോഗ്യത്തിന് പ്രാധാന്യം നൽകുന്ന സ്റ്റാർട്ടപ്പായ ഹാപ്പിനസ് റിജുവനേഷൻ സെന്റർ കേരള നിയമസഭാ സ്പീക്കർ എ.എൻ ഷംസീർ ഉദ്ഘാടനം ചെയ്തു. കമ്പനിയുടെ ഫൗണ്ടർ ആൻഡ് ചെയർമാൻ ബിജു ശിവാനന്ദൻ അധ്യക്ഷത വഹിച്ചു. എച്ച് ആർ സിയുടെ കോ- ഫൗണ്ടർ മനോജ് രോഹിണി പദ്ധതി വിശദീകരണം നടത്തി. ജില്ലാ പഞ്ചായത്ത് പ്രസിഡണ്ട് അഡ്വ. ബിനോയി കുര്യൻ എച്ച് ആർ സിയുടെ മിഷൻ ഹെൽത്തി കേരള ലോഗോ പ്രകാശനവും ഉദ്ഘാടനവും നിർവഹിച്ചു. പ്ലാറ്റിനം മെമ്പർഷിപ്പ് വിതരണം പേരാവൂർ പഞ്ചായത്ത് പ്രസിഡണ്ട് ഇന്ദിര ശ്രീധരൻ നിർവഹിച്ചു. കമ്പനിയുടെ ചീഫ് മെമ്പർ ആയ ആറളം അബ്ദുൽ റഹ്മാൻ ഹാജി, കൊച്ചി ലേക് ഷോർ ഹോസ്പിറ്റലിലെ സീനിയർ ന്യൂറോ സർജനും എച്ച് ആർ സിയുടെ ചീഫ് മെഡിക്കൽ അഡ്വൈസറും ആയ ഡോക്ടർ അരുൺ ഉമ്മൻ, ബിഎസ്എഫിന്റെ മുൻ അഡീഷണൽ ജനറലും എച്ച് ആർ സിയുടെ പാട്രണുമായ പി കെ മിശ്ര, പേരാവൂർ മേജർ ആക്കി എപ്പിസ്കോപ്പിൽ ചർച്ച് പീസ്റ്റ് റവ.ഫാ. മാത്യു തെക്കേമുറി, മൈ സോൺ മാനേജിംഗ് ഡയറക്ടർ സുഭാഷ് ബാബു കെ, തിരുവനന്തപുരം പോലീസ് ഹെഡ് ക്വാർട്ടേഴ്സിലെ ഫോറൻസിക് വിഭാഗം അഡീഷണൽ ഡയറക്ടർ ഉണ്ണികൃഷ്ണൻ കെ, ക്യാപ്റ്റൻ സനിൽ ഗോപിനാഥ്, കമ്പനി ഫൗണ്ടർ ആൻഡ് ഡയറക്ടർ മണികണ്ഠൻ പി, പേരാവൂർ എച്ച് ആർ സി യുടെ പ്രോജക്ട് ഡയറക്ടർ സോജൻ വർഗീസ് എന്നിവർ സംസാരിച്ചു. ചടങ്ങിൽ 50 പെൺകുട്ടികൾക്ക് വിവാഹസഹായം ആയി ഗൗൺ വിതരണം ചെയ്യുമെന്ന് കമ്പനിയുടെ ഫൗണ്ടർ ആൻഡ് ചെയർമാൻ ബിജു ശിവാനന്ദൻ പ്രഖ്യാപിച്ചു.ഗോപി ജയൻ, വിഷ്ണു പ്രസാദ്,ഡോ. വി ആർ രാമചന്ദ്രൻ, തോമസ് കൂവേലിൽ, എം സി കുട്ട്യച്ചൻ എന്നിവരെ ചടങ്ങിൽ ആദരിച്ചു.