വർക്കലയിൽ വീടിന് തീപിടിച്ചു മരിച്ച അഞ്ച് പേരുടെ സംസ്കാരം ഇന്ന്. ഇവരുടെ മൃതദേഹങ്ങൾ വിലാപയാത്രയായി അപകടം നടന്ന വീട്ടിലെത്തിക്കും. സംസ്കാര ചടങ്ങുകൾ ഉച്ചയോടെ വീട്ടുവളപ്പിൽ വച്ചു നടത്തും.
അതേസമയം, തീയുടെ ഉറവിടം കണ്ടെത്താൻ അന്വേഷണസംഘം തീപിടിത്തം പുനഃരാവിഷ്കരിച്ചിരുന്നു. പോലീസും ഇലക്ട്രിക്കൽ ഇൻസ്പെക്ടറേറ്റ് ഉദ്യോഗസ്ഥരും ഫോറൻസിക്കും ചേർന്നാണ് തീപിടുത്തം പുനഃരാവിഷ്കരിച്ചത്.
തീ പടർന്നതിന്റെ ഉറവിടം കണ്ടെത്താൻ ഫോറൻസിക് ഫലമെത്തണം. തീ പടർന്നത് കാർ പോർച്ചിൽ നിന്നോ വീട്ടിനുള്ളിൽ നിന്നോ ആകാമെന്നാണ് നിഗമനം.