ഇരിട്ടി: മലയോരപ്രദേശങ്ങളിൽ ഉൾപ്പെടെ മുടങ്ങിക്കിടക്കുന്ന കെഎസ്ആർടിസി ബസ് സർവീസുകൾ എത്രയും പെട്ടെന്ന് പുനരാരംഭിക്കണമെന്ന് സണ്ണി ജോസഫ് എംഎൽഎ ജില്ലാ ട്രാൻസ്പോർട്ട് ഓഫീസർ കെ. യൂസഫിനെ നേരിൽക്കണ്ട് ആവശ്യപ്പെട്ടു. കോവിഡ് നിയന്ത്രണങ്ങളിൽ ഇളവുവന്ന സാഹചര്യത്തിൽ വിദ്യാർഥികൾ ഉൾപ്പെടെ നിരവധി സാധാരണക്കാരായ യാത്രക്കാർക്ക് ആവശ്യമായ ബസ് സർവീസുകൾ മുടങ്ങിയതിനെത്തുടർന്നുണ്ടായ വൈഷമ്യങ്ങൾ എംഎൽ എ വിശദീകരിച്ചു. തദ്ദേശ സ്ഥാപനങ്ങൾ ഡീസൽ ചെലവ് വഹിക്കാൻ തയാറായാൽ അവർ നിർദ്ദേശിക്കുന്ന റൂട്ടുകളിൽ സർവീസ് നടത്തുന്നതാണെന്ന് ജില്ല ട്രാൻസ്പോർട്ട് ഓഫീസർ അറിയിച്ചു. എന്നാൽ മലയോര പഞ്ചായത്തുകളുടെ സാമ്പത്തികസ്ഥിതി കണക്കിലെടുത്ത് നിർത്തിവച്ച സർവീസുകൾ നിരുപാധികം പുനരാരംഭിക്കണമെന്നും പുതിയ സർവീസുകൾ മാത്രം തദ്ദേശസ്വയംഭരണ സ്ഥാപനങ്ങളുടെ പങ്കാളിത്തത്തോടെ ആരംഭിക്കുന്നതായിരിക്കും പ്രായോഗികമെന്നും എംഎൽഎ പറഞ്ഞു.
കെഎസ്ആർടിസി സർവീസുകൾ പുനരാരംഭിക്കണം
