ഇരിട്ടി : കേരള കർഷക സംഘത്തിന്റെ നേതൃത്വത്തിൽ ഇരിട്ടി താലൂക്ക് ഓഫീസിലേക്ക് മാർച്ചും ധർണയും നടത്തി. ഭൂപ്രശ്നം പരിഹരിക്കുക,
കെട്ടിക്കിടക്കുന്ന പട്ടയ അപേക്ഷകൾ അടിയന്തരമായി തീർപ്പുകൽപ്പിച്ച് വിതരണം ചെയ്യുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച്.
ഇരിട്ടി മേലെ സ്റ്റാൻഡിൽ നിന്നും പ്രകടനമായെത്തിയ മാർച്ച് താലൂക്ക് ഓഫീസിന് മുന്നിൽ സമാപിച്ചു. തുടർന്ന് നടന്ന ധർണ എം. പ്രകാശൻ മാസ്റ്റർ ഉദ്ഘാടനം ചെയ്തു. കെ. ജെ. ജോസഫ് അധ്യക്ഷത വഹിച്ചു.
കെ. ശ്രീധരൻ, വി. ജി. പത്മനാഭൻ, എം. സി. വാസുദേവൻ, കെ. ശൈലജ, അനിൽകുമാർ ആലത്തു പറമ്പ്, പി പ്രകാശൻ, രമേശൻ, കെ .എം. ദാസൻ മാസ്റ്റർ തുടങ്ങിയവർ സംസാരിച്ചു.
കേരള കർഷക സംഘത്തിന്റെ നേതൃത്വത്തിൽ ഇരിട്ടി താലൂക്ക് ഓഫീസിലേക്ക് മാർച്ചും ധർണയും നടത്തി.
