ഹോങ്കോങ്ങിൽ 7 പതിറ്റാണ്ടിനിടെയുള്ള ഏറ്റവും വലിയ തീപിടിത്തം; മരണസംഖ്യ 94 ആയി, 280-ൽ അധികം പേരെ കാണാതായി

കഴിഞ്ഞ ഏഴ് പതിറ്റാണ്ടിനിടെ ഹോങ്കോങ്ങിലുണ്ടായ ഏറ്റവും മാരകമായ തീപിടിത്തത്തിൽ തായ് പോയിൽ മരണസംഖ്യ 94 ആയി ഉയർന്നു.

വ്യാഴാഴ്ചയും അഗ്നിശമന സേനാംഗങ്ങൾ തീ നിയന്ത്രിക്കാൻ പോരാടി. തീപിടിത്തത്തിൽ കുടുങ്ങിയവരെ രക്ഷപ്പെടുത്താനുള്ള ശ്രമം തുടരുകയാണ്.കൂടുതൽ താമസക്കാർ കുടുങ്ങിക്കിടക്കാൻ സാധ്യതയുള്ളതിനാൽ കാണാതായവരുടെ എണ്ണം ഇനിയും ഉയർന്നേക്കാമെന്ന് അധികൃതർ മുന്നറിയിപ്പ് നൽകി. 32 നിലകളുള്ള ഈ കെട്ടിടങ്ങളിൽ വലിയ തോതിലുള്ള നവീകരണ പ്രവർത്തനങ്ങൾ നടക്കുകയായിരുന്നു.