കണ്ണൂർ: ചെങ്കല്ലിന്റെ വിലയിൽ മൂന്നു രൂപ വർധിപ്പിച്ചത് മരവിപ്പിക്കാൻ തീരുമാനം. എഡിഎമ്മിന്റെ സാന്നിധ്യത്തിൽ നടന്ന ചെങ്കൽ പണ ഉടമകളുടെയും വിവിധ ട്രേഡ് യൂണിയൻ സംഘടനകളുടെയും ജിയോളജി, നിയമവകുപ്പ് ഉദ്യോഗസ്ഥരുടെയും സംയുക്തയോഗത്തിലാണ് തീരുമാനം.
ചെങ്കൽ വില വർധിപ്പിക്കേണ്ടതുണ്ടോയെന്നും ഉണ്ടെങ്കിൽ എത്രയെന്നുമുള്ള കാര്യം പരിശോധിച്ച് റിപ്പോർട്ട് സമർപ്പിക്കാൻ ഡെപ്യൂട്ടി കളക്ടർ കൺവീനറായി 15 അംഗ കമ്മിറ്റിയെ നിയോഗിച്ചു. പ്രസ്തുത കമ്മിറ്റി എല്ലാ കാര്യങ്ങളും പരിശോധിച്ച് ഒരുമാസത്തിനുള്ളിൽ എഡിഎമ്മിന് റിപ്പോർട്ട് നൽകണമെന്നും തീരുമാനിച്ചു.