രാഹുൽ അയോഗ്യനല്ല; ശിക്ഷിക്കപ്പെട്ടില്ല, എന്ത് ന്യായത്തിൽ ഇറക്കിവിടും’: MLAയുമായി വേദി പങ്കിട്ടതിൽ ശിവൻകുട്ടി
തിരുവനന്തപുരം: ലെെംഗികാരോപണം നേരിടുന്ന രാഹുൽ മാങ്കൂട്ടത്തിൽ എംഎൽഎ സംസ്ഥാന സ്കൂള് ശാസ്ത്ര മേളയുടെ ഉദ്ഘാടന ചടങ്ങില് പങ്കെടുത്തത് ചർച്ചയായതോടെ വിശദീകരണവുമായി വിദ്യാഭ്യാസ വകുപ്പ് മന്ത്രി വി ശിവന്കുട്ടി. രാഹുല് നിലവില് എംഎല്എയാണെന്നും അയാള് ശിക്ഷിക്കപ്പെട്ടിട്ടില്ലെന്നും വി ശിവന്കുട്ടി പറഞ്ഞു. അങ്ങനൊരാള് വേദിയില് വന്നാല് ഇറക്കി വിടുന്നത് തങ്ങളുടെ മര്യാദയല്ലെന്നും മന്ത്രി കൂട്ടിച്ചേര്ത്തു.
‘എംഎല്എയായ ഒരാളെ എന്ത് ന്യായത്തില് ഇറക്കിവിടും. അല്ലെങ്കില് ഞങ്ങള് ഇറങ്ങിപ്പോകണം. വിയോജിപ്പുള്ള കാര്യമുണ്ട്. എല്ഡിഎഫിന്റെ മര്യാദ അതാണ്. ഞങ്ങളുടെ അഭിപ്രായം പറഞ്ഞിട്ടുണ്ട്. നമ്മുടെ പാര്ട്ടി സംസ്ഥാന സെക്രട്ടറി അദ്ദേഹത്തെ തടയുന്നില്ലെന്ന് പറഞ്ഞിട്ടുണ്ട്. വികസന പ്രവര്ത്തനം നടത്തുന്നതിന് അദ്ദേഹം വരുന്നതില് നിന്നും തടയുന്നില്ലെന്ന് പറഞ്ഞിട്ടുണ്ട്. ഒരു നല്ല കാര്യമാണല്ലോ അവിടെ നടക്കുന്നത്. അവിടെ ഒരു അലങ്കോലം ഉണ്ടാക്കണ്ടല്ലോ’, മന്ത്രി പറഞ്ഞു.
