Uncategorized
ഓടുന്ന ട്രെയിനില് നിന്ന് യുവതിയെ ചവിട്ടി വീഴ്ത്തിയ സംഭവം: 19കാരിയുടെ ആരോഗ്യനിലയില് പുരോഗതി; വെന്റിലേറ്ററില് നിന്ന് മാറ്റി
വര്ക്കലയില് ഓടുന്ന ട്രെയിനില് നിന്ന് മദ്യപന് ചവിട്ടി താഴെയിട്ട പെണ്കുട്ടിയുടെ ആരോഗ്യനിലയില് പുരോഗതി. ആന്തരിക രക്തസ്രാവത്തെ തുടര്ന്ന് ഇന്നലെ രാത്രി വെന്റിലേറ്ററില് പ്രവേശിപ്പിച്ച 19 വയസുകാരി ശ്രീക്കുട്ടിയെ ഇപ്പോള് സര്ജറി ഐസിയുവിലേക്ക് മാറ്റി. ആന്തരിക രക്തസ്രാവം ഉള്ളതിനാല് 48 മണിക്കൂര് നിരീക്ഷണത്തിലാണ് പെണ്കുട്ടിയുള്ളത്. ട്രെയിനില് നിന്ന് പെണ്കുട്ടിയെ ചവിട്ടിയെറിഞ്ഞ പ്രതി പനിച്ചുമൂട് സ്വദേശി സുരേഷ് കുമാറിനെ ഇന്ന് കോടതിയില് ഹാജരാക്കും.നിലവില് തമ്പാനൂര് റെയില്വേ പോലീസ് കസ്റ്റഡിയിലുള്ള പ്രതിയുടെ അറസ്റ്റ് ഇന്നലെ രാത്രി 11 മണിയോടെയാണ് രേഖപ്പെടുത്തിയത്.
