ബസ് കാത്തുനിന്ന 13കാരനെ ബുള്ളറ്റിൽ കയറ്റിക്കൊണ്ടുപോയി പീഡിപ്പിച്ച മദ്രസാ അധ്യാപകൻ പിടിയിൽ

കോഴിക്കോട്: പോക്സോ കേസിൽ മദ്രസാ അധ്യാപകനെ പൊലീസ് അറസ്റ്റ് ചെയ്തു. കണ്ണൂർ മാലൂർ സ്വദേശിയായ കെ കെ ഫൈസൽ (31)നെയാണ് പൊലീസ് അറസ്റ്റ് ചെയ്തത്. ബസ് കാത്തുനിന്ന 13 വയസുകാരനെ ബുള്ളറ്റിൽ‌ കൊണ്ടുപോയി ലൈംഗികാതിക്രമത്തിന് ശ്രമിക്കുകയായിരുന്നു.
ബാലുശ്ശേരി സ്റ്റേഷനിൽ ലഭിച്ച പരാതിയിൽ കേസ് രജിസ്റ്റർ ചെയ്തു നടത്തിയ അന്വേഷണത്തിലാണ് ഇയാളുടെ അറസ്റ്റ് രേഖപ്പെടുത്തിയത്. ഇരുന്നൂറിലേറെ സിസിടിവികളിലെ ദൃശ്യങ്ങൾ പരിശോധിച്ചും സൈബർ സെൽ സഹായത്തോടെയുമാണ് പ്രതിയെ കണ്ടെത്തിയത്. ‌