സാങ്കേതിക, ഡിജിറ്റൽ സർവകലാശാലകളിലെ സ്ഥിരം വി.സി നിയമനം; സെർച്ച് കമ്മിറ്റി പട്ടിക ഇന്ന് സർക്കാരിന് കൈമാറും

സാങ്കേതിക, ഡിജിറ്റൽ സർവകലാശാലകളിലെ സ്ഥിരം വി.സി നിയമനത്തിനുള്ള സെർച്ച് കമ്മിറ്റി പട്ടിക ഇന്ന് സർക്കാരിന് കൈമാറും. അഭിമുഖത്തിന് ശേഷം തെരഞ്ഞെടുക്കപ്പെട്ട മൂന്നു മുതൽ 5 അപേക്ഷകരുടെ പട്ടികയായിരിക്കും നൽകുക.

സുപ്രീംകോടതി റിട്ട. ജസ്റ്റിസ് സുധാംശു ധൂലിയ അധ്യക്ഷനായ സെർച്ച് കമ്മിറ്റിയാണ് പട്ടിക കൈമാറുന്നത്. പട്ടികയിലെ അപേക്ഷകരുടെ മുൻഗണനാക്രമം മുഖ്യമന്ത്രി നിശ്ചയിച്ച് ഗവർണർക്ക് കൈമാറണമെന്നാണ് സുപ്രീംകോടതി നിർദ്ദേശം.

അതേസമയം ഡിജിറ്റൽ സർവകലാശാല സ്ഥിരം വി.സി നിയമനത്തിനുള്ള അഭിമുഖം ഇന്ന് അവസാനിക്കും. കഴിഞ്ഞ ദിവസം സാങ്കേതിക സർവകലാശാല വി.സി നിയമനത്തിനുള്ള അഭിമുഖം പൂർത്തിയായിരുന്നു. 29 പേരാണ് രണ്ടുദിവസം നീണ്ടുനിന്ന അഭിമുഖത്തിൽ പങ്കെടുത്തത്.