Uncategorized
കൊല്ലത്ത് നിന്ന് ചാടി, വയനാട്ടിൽ പിടിവീണു; കടയ്ക്കലിൽ നിന്ന് കൈവിലങ്ങുമായി ചാടിപ്പോയ പ്രതികൾ പിടിയിൽ
കൊല്ലം: കടയ്ക്കലില് നിന്ന് കൈവിലങ്ങുമായി ചാടിപ്പോയ പ്രതികള് വയനാട്ടിലെ മേപ്പാടിയില് പിടിയില്. നെടുമങ്ങാട് സ്വദേശി അയ്യൂബ് ഖാന്, മകന് സെയ്തലവി എന്നിവരാണ് പിടിയിലായത്. രണ്ട് ദിവസം മുന്പാണ് ഇവര് പൊലീസിനെ വെട്ടിച്ച് കടന്നു കളഞ്ഞത്. പ്രതികളുടെ ദൃശ്യം റിപ്പോര്ട്ടറിന് ലഭിച്ചു.
ഇന്ന് പുലര്ച്ചെയായിരുന്നു പ്രതികളെ പിടികൂടിയത്. പ്രതികള്ക്ക് എന്തെങ്കിലും സഹായം ലഭിച്ചിട്ടുണ്ടോയെന്നത് വ്യക്തമല്ല. തെളിവെടുപ്പിനിടെയായിരുന്നു കൈവിലങ്ങുമായി പ്രതികള് ചാടിപ്പോയത്. പാലോട് പൊലീസ് സ്റ്റേഷനിലെ മോഷണക്കേസ് പ്രതികളാണ് ഇരുവരും.
